Subah Subah…

Met a beautiful morning, when I walked up to my terrace..

Subah subah aasmaan se milne chhat par chala aaya,
Purnima ka chand doobne challa, aur suraj ubharta aaya.

Rangon bhari roshni ki lahar jab nikharne lagi,
Jaise nayi naveli dulhan ne apna ghoongat uthaaya.

Chote chote badlon ki tolion ke rang nikhare,
Mano jaise dulhan ke jode ko seepiyon se ho sajaaya.

Door pahad khade the apna seena taan kar,
Pakchiyon ne apna meetha raag sunaaya.

Tekdi par tehalna, woh thahake aur chai ki chuski,
Yaaron ka yaarana bada yaad aaya.

Aur jab Janeman dhoondti chat par pahunchi,
Uski muskuraahat ne taazi hawa ko khushboo se milaya.

Share this poem
Top